Təhlükəsizlik

Platformanın təhlükəsizlik öhdəlikləri hüquqi sənədlərimizdə müəyyən olunur. Bu səhifə həmin sənədlərin təhlükəsizliyə aid bölmələrini bir yerə yığır; tam mətnlər üçün sənədlərin özünə keçin.

Texniki və təşkilati tədbirlər — Data Emalı Əlavəsi (DPA), §7

Şirkət ağlabatan texniki və təşkilati tədbirlər görür. Bu tədbirlərə aşağıdakılar daxil ola bilər:

• giriş məhdudiyyətləri
• autentifikasiya
• loglama
• şifrələmə və ya uyğun təhlükəsizlik mexanizmləri
• ehtiyat nüsxə
• monitorinq
• role-based access control

Təhlükəsizlik tədbirləri — Məxfilik Siyasəti, §9

Biz şəxsi məlumatların qorunması üçün ağlabatan texniki və təşkilati tədbirlər tətbiq edirik. Buna baxmayaraq, internet üzərindən ötürmə və elektron saxlanma tam təhlükəsiz hesab edilə bilməz. Buna görə də tam təhlükəsizliyə zəmanət verilmir.

Məxfilik və təhlükəsizlik — İstifadəçi Şərtləri, §15

15.1. Şirkət ağlabatan texniki və təşkilati təhlükəsizlik tədbirləri tətbiq edir, lakin internet, bulud infrastrukturu, telekommunikasiya və proqram təminatının təbiətinə görə tam təhlükəsizlik, müdaxiləsizlik və ya fasiləsizlik təmin edilmir.

15.2. İstifadəçi öz cihazlarının, lokal şəbəkəsinin, əməkdaş girişlərinin, printer və terminal cihazlarının, üçüncü tərəf inteqrasiyalarının və daxili proseslərinin təhlükəsizliyinə görə məsuliyyət daşıyır.

15.3. Təhlükəsizlik insidenti, şübhəli giriş, məlumat sızması, cihaz oğurluğu və ya daxili sui-istifadə hallarında istifadəçi dərhal parolları dəyişməli, girişləri dayandırmalı və Şirkəti məlumatlandırmalıdır.

Tam mətnlər: Data Emalı Əlavəsi (DPA) · Məxfilik Siyasəti · İstifadəçi Şərtləri.